chli öppis über d Gschicht vom Drösch-Fescht u em Drösch-Verein Ämmitau

Der Drösch-Verein Ämmitau isch im Juni 2013 vo 24 Froue u Manne gründet worde. Sinn u Zwäck isch der Zämeschluss vo Fründe vo landwirtschaftliche Grät u Maschine. Es isch aber ou es Ziel, ds Wüsse vor eutere Generation a die jüngeri Generation witer ds gäh.

 

Sit 2010 wird jedes Jahr aafangs Ougschte ds "Drösch-Fescht" organisiert. Dä Aalass söu de Bsuecher e Iiblick i d Arbit mit historische Agrar-Grät gäh. Als Rahmeprogramm wärde näbscht der Feschtwirtschaft u em Barbetrieb z.B. ou e Solex-Trophy u es "Traktörli-Renne" für d Kids ustreit. Für musikalischi Ungerhautig (für die wo gärn ds Tanzbei schwinge) u es gmüetlechs Zämesy isch gsorget. Chömet doch cho icheluege u gniesset die ganz bsungeri Atmosphäre !

 

Witeri Infos übere Vorstand u über ne allfälligi Mitgliedschaft.